طريقة عمل توكة من اكسسوارات قديمة

طريقة عمل توكة " سورتيت " من اكسسوارات قديمة

 دايما بتبقى عندنا اكسسوارات قديمة أو خرز و فصوص إحنا مش محتاجينها ،، و للأسف بنرميها في الدرج لسنوات بدون استخدام !

لكن لو فكرنا فى كل قطعة قديمة عندنا فى البيت هنقدر بشوية تخيل و حس فني إننا نعمل منها حاجه جديدة و مختلفة و تعجب كل الناس .

 علشان كده هنتعلم النهاردة طريقة عمل توكة " سورتيت " من اكسسوارات قديمة ، بخامات بسيطة جدا جدا وموجودة فى كل بيت بدون تكاليف

الخامات المستخدمة فى عمل التوكة :

1- خرز أي حجم و أي لون حسب ذوقك من اكسسوارات قديمة أو بتشتري الخرز من الأماكن المخصصة لبيع أدوات الخياطة والتطريز.

2- أستيك من توكة قديمة مثلا أو اشتريه من محلات أدوات الخياطة

3- حلقات زي اللي فى الصورة علشان أوصل بين الأستيك و الخرز 

4- وطبعا خيط قوي  سواء من البلاستيك أو أي نوع خيط يستحمل 

5- أداة علشان أقفل بها الحلقات ، بتكون موجودة أيضا فى كل محلات أدوات الخياطة أو كماشه عادية بتاعت المسامير متوفرة في كل بيت

الخطوات :

زي ما واضح عندنا في الصورة بالأرقام

1- بجهز الأدوات الأول كلها اللي هحتاجها وأتأكد إن كل الأدوات موجودة .

2- افتح بواسطة الكماشة الحلقة و أدخل فيها الأستيك المدور المغلق " لو الأستيك بتاعي مش مغلق بربطه أو بخيطه فى بعض " زي الشكل اللي موجود في الصورة.

3 - أوصل الجانبين عن طريق أني أدخل الأستيك في الحلقات و أغلقها جيداَ.

4- أخيرا التوكة اتعملت و بقت جاهزة إني ألبسها أو أقدمها هدية بسيطة و معمولة بأيدي :)

استوني في مقالات جديدة و طريقة عمل اكسسوارت بأشكال وطرق مختلفة و بأبسط الخامات .. للمزيد اضغط هنا